PINIUS et PINNIUS

PINIUS et PINNIUS

nomen Romanum: In veterib. Inscr. habetur L. Pinnius Celer et Lucius Pinnius Celsus.

Etiam cognomen, apud Capitolin. in Opilio Macrino, c. 4. Verba denique Aurelii Victoris, cui Pinnio cognomen erat. Ita Palat. cum vulgo legatur, qui Primo cognomen erat. Regius codex, cui Pinio, praefert. Nimirum in Inscriptionibus Gruterianis decem amplius occurrunt Aurelii Victores, qui ipsimet subinde aliud adhuc sibi adsumebant agnomen. Quemadmodum in Epigrammatis Orbis Rom. occurrit, Aurelius Victor Augentius, Aurelius Victor Frontinus. Alius itaque hic ab Aurelio Victore, cuius opusculum de vitis Augustorum elegantissimum publicavit Andreas Schottus. Vide Casaubon. Gruterum et Salmas. ad Capitolin. loc. cit.